ROXAS CITY-Padayon nga ginabulong sa ospital ang 58-anyos nga lalaki matapos nga aksidente nga mabungguan sang motorsiklo samtang nagatabuk sa dalan sa Barangay Baye-baye Jamindan, Capiz.
Ginkilala ang biktima nga si Geronimo Benedicto, residente sang nasambit nga lugar.
Sa inisyal nga imbestigasyon sang Jamindan Municipal Police Station nagaguwa nga samtang nagatabok sa dalan ang biktima, wala sini matalupangdan ang nagapadulong nga motorsiklo nga ginamaneho sang menor de edad.
Bangud sini, nabungguan sang motorsiklo ang biktima kun sa diin nakaangkon ini sang pilas sa magkatuhay nga porsyon sang kalawasan nga gindala sa Mambusao District Hospital.
Samtang yara na sa kustodiya sang mga kapulisan ang motorsiklo sang menor de edad para sa nakaigo nga disposisyon.
