ROXAS CITY – Natigayon nga napasakaan sang kaso nga paglapas sa RA 9165 ukon “Comprehensive Dangerous Drugs Act of 2002” kahapon nga adlaw ang miyembro sang LGBTQIA+ nga nadakpan sa ginkasa nga nga drug buybust operation sa Barangay Amaga banwa sang Sigma.
Ginkilala ang arestado kay Cristy Joy Compuesto Evangelio, 23- anyos kag residente sang nasambit nga lugar.
Matandaan nga nakuha sa posesyon ni Evangelio ang 2 ka sachet sang ginapatihan shabu, cellphone, P1, 000 buybust money, isa ka wala unod nga plastic sachet kag motorsiklo.
Lakut naman ang nangin reaksyon sang mga pumuluyo matapos nga nag-negatibo sa drug test ang arestado.
Apisar, nagnegatibo sa drug test si Evangelio, positibo naman ang mga otoridad nga nagaduso ini sang iligal nga druga.
Sa karon, nagapabilin sa karsel sang Sigma MPS ang arestado para sa nagakaigo nga disposisyon.
