ROXAS CITY – Patay ang isa ka miyembro sang New People’s Army matapos ang nagluntad nga engkwento sa tunga sang 62nd Infantry Batallion sang Philippine Army sa Sitio Taluktok, Barangay Sandayao, Guinhulngan, Negros Oriental sang Hulyo 20.
Ini ang ginkumpirmar ni Capt. Kim Apitong, tagpamaba sang 3ID sang mainterview sang Bombo Radyo.
Suno kay Apitong, nakabaton sila sang impormasyon nga may yara sang mas o menus lima ka mga ginapatihan nga miyembro sang rebelde nga grupo ang nagapatigayon sang extortion sa nasambit nga lugar.
Natabo ang engkwentro takna 8:00 sang aga kun sa diin nagdugay sang 5 ka minutos ang bayluhanay sang lupok kabangdanan sang kamatayon sang 54-anyos nga si Landeza.
Nabilin sang rebelde nga grupo ang duha ka sahi sang armas-luthang, granada kag iban nga mga kagamitan.
Nagapati si Apitong nga nagahina na ang rebelde nga grupo kadungan sang asod-asod nga pagsurrender sang ila miyembro sa mga otoridad.
Dugang pa sini, nga nagapadayon ang ila nga combat operations sa bug-os nga Western Visayas batuk sa mga rebelde nga grupo.
