Ginpataas sang Metro Manila Disaster Risk Reduction and Management Council (MMDRRMC) ang ila Red Alert status bilang preparasyon sa pagsulod sang Bagyo Uwan sa Philippine Area of Responsibility (PAR) sa Nobyembre 7 sa gab-i ukon buwas nga Sabado sang aga suno sa Philippine Atmospheric, Geophysical and Astronomical Services (PAGASA).
Ginalauman nga magadala sang bagyo Uwan sang 100 tubtub 200 milimetros nga ulan sa Metro Manila sa masunod nga mga inadlaw, nga ginapahayag katumbas sang isa ka bulan nga pag-ulan kag posible man nga mapataas ang rehiyon sa mas mataas nga Tropical Cyclone Wind Signal, siling niya.
Sa sinapol sang MMDRRMC sa ila Virtual Emergency Operations Center, ginpasiguro sang ahensya ang prepositioning sang ila mga assets kag resources para sa gilayon nga pagresponde.
Suno kay Director George Keyser, dapat siguraduhon sang mga ahensya nga maathag kag mahangpan sang publiko ang mga paandam agud malikawan ang injury kag kamatayon.
