ROXAS CITY – Wala na makita sang isa ka manager sang Finance Corporation ang iya motorsiklo nga gin-park lamang sini sa garahe sang ila opisina, sa Graceville Subd. Brgy. Tiza, Roxas City, kagab-i sang Miyerkules, Pebrero 1.
Sandig sa ginpabalhag sang tag-iya sang Suzuki raider 150 nga si Mechelle Aspera, 32-anyos, branch manager sang isa ka finance corporation kag residente sang Sitio Aswe, Brgy. Deveral, Sara, Iloilo, katapusan sini nga nakit-an sa garahe ang iya motorsiklo mga alas-11 kagab-i, apang sa iya pagtsekyar kaina nga alas-6 sang aga, wala na ini sa iya nahamtangan.
Base sa imbestigasyon sang mga kapulisan, natalupangdan nga sirado ang gate apang wala ini nakandaduhan, nakapatay man ang alarm sang motorsiklo kag wala ini ma-lock.
Padayon sa karon ang paghibalo sang mga kapulisan sa posible pagkakilanlan sang suspek ukon mga suspek.
