ROXAS CITY – Patay ang nagabusong nga babaye samtang pilason ang duha ka iban pa matapos magkarambola ang tricycle at motorsiklo sa Barangay Sta. Fe, Pilar, Capiz.
Ginkilala ang napatay nga si Maria Belen Balasa, 36-anyos sang Tanza, Estancia, Iloilo kag anum ka bulan nga nagabusong samtang pilason ang duha ka mga driver sang motorsiklo nga sanday Dennis Ryan Decon sang Enseñagan, Panit-an, Capiz kag Elmer Tabuado nga lunsay nag-angkon sang mga pilas sa lawas.
Ba-se sa inisyal nga impormasyon sang pulisya nagapauli na si Balasa kag ang live-in partner nga si Gino Ignacio sakay sa tricycle sang madulaan sang kontrol ang tricycle kag aksidente nga nabungguan ang motorsiklo nga ginamaneho ni Decon.
Malas nga may nakasugata nga isa ka motorsiklo ang biktima nga gintunaan sang pagbaliskad sang tricycle nga ginasakyan ni Balasa.
Samtang gindala sa ospital sanday Decon Tabuado para mabulong ang ila nga mga pilas.
