ROXAS CITY – Nagpalab-ot sang reklamo sa Pontevedra PNP ang pila ka mga residente kalabanan senior citizens sa ila naeksperyensya nga katublagan sa pagpahuway sa dis-oras sang gab-i sa bahin sang banwa sang Pontevedra.
Sa interview sang Bombo Radyo kay PMaj. Syril Punzalan, hepe sang Pontevedra MPS, ini ang nangin rason nga mas ginpasangkad nila ang ginapatigayon nga “Oplan Katawhayan Sa Dalan” nga nagsugod sang nagligad nga duwa ka bulan tubtob subong.
Suno diri, 15 ang nagkaladakpan kun sa diin ang mga driver mismo ang ginpawasak sang ila tagsa ka open mufflers kag ginhatagan sang nagakaigo nga penalidad.
Nagkoordinar man sila suno diri sa higher office angut sa ila agresibo nga kampanya agud matapna ang nasambit nga buluhaton.
Panugyan ni Punzalan sa mga nagamaneho sang motorsiklo nga indi na pag-ilisan sang open muffler ukon ibalik na lang sa orihinal nga tambutso agud indi makaisturbo kag indi na magbayad sang penalidad.
