Tuman ang kalipay nga nabatyagan sang P50,000 regional winner – Visayas sa One Two Panalo Part 23 Promo sang Bombo Radyo kag Star FM!
Maswerte nga napilian si Nancy Villarde, 48-anyos, residente sang Plaridel St. Roxas City nga kun sa diin naggamit ini sang proof of purchase nga Birch Tree Fortified.
Sa interview sang Bombo Radyo kay Villarde, ginpahayag sini nga ini ang pinakauna nga nag-intra kag naghulog sang entry.
Dugang pa ni Villarde, wala ini nagalaom nga mabunutan kag makakuha sang third prize nga P50,000 sa Visayas Region bangud 12 lang tanan ka bilog ang ginhulog sini nga entries.
Pagagamiton ni Villarde ang iya nadag-an sa pagtukod sang iya negosyo .
Nagpasalamat ini sa Bombo Radyo kag Star Fm kag mga promo sponsors bangud isa ini ka dako nga bugay para sa iya kag sa iya pamilya. Ginaganyat man sini ang iban pa nga magpasakop man sa pa-promo sang Bombo Radyo kag Star Fm agud magdaog man ang mga ini.
