Ginhatagan ni National Police Commission (NAPOLCOM) Executive Director Rafael Vicente Calinisan sang grado nga 9.9 si Philippine National Police (PNP) Chief, PGen. Nicolas Torre III.
Para ini sa kapin isa ka bulan nga pagpamuno sang heneral sumugod sang gin-appoint ini bilang pinuno sang Philippine National Police sang Mayo 29, 2025.
Paathag ni Calinisan nga ang halos perfect grade sang PNP Chief ang bangud sa mga inisyatiba nga nahimo sini para sa pulisya kag para sa publiko, nga nabatyagan niya suno sa iya kun ano ang kinahanglan sang publiko, nga sarang suno sa iya nga aksyonan sang iya nga liderato bilang hepe sang kapulisan.
Hugot nga ginsiling sang Napolcom chief nga ang kinahanglan sang mga kapulisan ang isa ka aksyon nga sarang tungdan ang iya nga mga obligasyon, butang nga ginpakita nga nahimo naman suno sa iya sang PNP chief.
Ang nabilin nga isa ka puntos suno sa iya ang mahimo nga mangin inspirasyon ni Torre agud tungdan ang iya nga mga obligasyon.
Paathag pa sang opisyal nga ang grado nga 9.9 ang indi tungod nga kulang pa sa pagperform ang hepe sa iya nga mga obligasyon kundi bangud sa kinahnglan man suno sa iya nga may yara sang inspirasyon si Torre sa iya nga mga obligasyon.
Si Torre ang labing-una nga Philippine National Police Academy graduate nga nangin PNP Chief mataops ang dinekada nga paghawid sang mga Philippine Military Academy graduate sa pinakamatag-as nga PNP position.
