Nasiplatan nga drones sa pila ka lugar sa US, nagtuga sang madamo nga espekulasyon

Padayon ang misteryo sa mga sightings sang drone sa New Jersey kag iban pa nga estado sang US, nga ginakahangaw-an sang mga residente.

Ginkumpirmar ni Homeland Security Secretary Alejandro Mayorkas nga kalakip diri ang drones kag manned aircraft.

Madamo sang sightings halin Nobyembre 18, malapit sa mga sensitibo nga lugar kasubong sang Picatinny Arsenal kag golf course ni President-elect Donald Trump.

Apang sa karon, wala pa sang ebidensya sang pamahog sa kaluwasan sang publiko suno sa mga otoridad.

Indi pa maathag kun sin-o ang nagamanihar sang mga drones, apang wala sang dumuluong nga ginhalinan suno sa mga otoridad.