Nag-abot na sa pungsod ang naturalized player Justin Brownlee agud mag-upod sa Gilas Pilipinas bilang preparasyon sa first window sang FIBA world Cup Qualifiers.
Una nga gin-share ni Jun Atienza sang Barangay Ginebra kag Gilas ang litrato kay Brownlee matapos ini maghalin sa Ninoy Aquino International Airport nga sang ulihi ginkumpirmar sang Samahang Basketbol ng Pilipinas (SBP) sa social media.
Daku nga bulig ang pag-abot ni Brownlee para sa Gilas nga maga-atubang sa Guam sa home-and-away games sa Nobyembre 28 sa abroad kag Disyembre 1 sa Blue Eagle Gym.
Nahibaluan nga ang fist window sang qualifiers amo ang pagsugod sang kampanya sang Gilas para sa 2027 FIBA world Cup sa Doha, Qatar, sa diin yara sila sa Group A kaupod ang Australia, New Zealand, kag Guam.
