Liwat nga nag-kampeon ang National Capital Region sa Palarong Pambansa 2024.
Sa final medal tally, nakatipon ang NCR sang 238 nga medalya sa tanan nga ginpasakupan nga events kun sa diin 98 diri ang gold, 66 ka silver kag 74 naman ang bronze medal.
Nagapangaduha ang Region IV-A ukon Calabarzon nga may 57 ka gold, 41 ka silver kag 53 nga bronze medal kun sa diin may kabug-usan nga 161 ka medalya.
Sunod diri amo ang Region VI ukon Western Visayas nga may 56 ka gold, 41 ka silver kag 41 nga bronze medal kag may total nga 138 ka medalya.
Pang-apat nman ang Davao Region kag pang-lima ang host region nga Central Visayas.
Sa closing ceremony personal nga nagtambong si Vice President kag outgoing Education Sec. Sara Duterte sa diin naghatag ini sang iya speech kag game man ini nga nakig-selfie sa mga yara sa venue.
