ROXAS CITY – Nagparekord sa Roxas City Police Station ang isa ka negosyante matapos ginpangkawat ang pila ka mga kagamitan sa trak sa siyudad sang Roxas.
Ang amo nga negosyante ang ginkilala kay Grace Lim sang San Jose, Pototan, Iloilo.
Base sa ginparekord sang biktima, ginhambalan siya sang ila nga caretaker nga may nagpadulong nga apat ka mga kalalakinhan nga sanday alyas Jim, alyas Boyet, Romulo Balasa kag alyas Arvin Colangco nga nagpakilala nga mga miyembro sang SAF-Bacolod kag ginpangkuha ang pila nila ka mga kagamitan.
Kalakip sa ginpangkuha sang mga suspek amo ang power washer nga nagabalor sang P15, 000; tire range nga nagabalor sang P10, 000; 50 toners jock nga nagabalor sang P12, 000; duha ka mga rice cookers nga nagabalor sang P3, 000 kag grease gun nga nagabalor sang P16, 000.
Bangud diri ginpakamaayo na lamang ni Lim nga ipabalhag sa pulisya ang nasambit nga insidente.
