ROXAS CITY-Liwat nga ginpaidalum sa lockdown ang New Zealand matapos nga nakapagkit naman sang apat ka panibag-o nga kaso sang Coronavirus Disease ukon COVID-19 matapos ang masobra tatlo ka bulan.
Sa interview sang Bombo Radyo kay Bombo International Correspondent Joel Araquil Jr., tumandok sang Lambunao, Iloilo nga apat ka panibag-o nga kaso ang nagdugang sa nasambit nga pungsod.
Bangud diri, ginpaidalum sa lockdown ang pungsod kag ginbalik naman ang hugot nga pagpatuman sang mga restrictions.
Magluwas diri, ginapatuman sa gihapon ang pag-obserbar sang social kag physical distancing.
Ginpahayag naman ni Araquil nga preparado na ang pungsod sa pagpakigbato sa COVID-19.
Gindayaw man sini ang displina sang mga residente kun sa diin hugot nga gina sunod ang mga protocols nga ginpatuman sa pungsod ilabi na ang social distancing sa pagsuksuk sang facemask.
Nahibaluan nga naglab-ot na sa 1,570 ang kabug-osan nga kaso sang COVID-19 sa amo nga pungsod kun sa diin 22 diri ang ginbawian sang kabuhi.
