Gin-anunsyo sang National Grid Corporation of the Philippines (NGCP) nga may yara sang scheduled power interruption sa Capiz, Aklan kag Iloilo sa Sabado, Pebrero 14.
Sa interview sang Bombo Radyo kay Mr. Reagahn Alcantara, Lead Specialist sang Public Relations Department sang NGCP, iya ginpahayag nga ang scheduled power interruption sa Pebrero 14 kadungan sang Valentine’s Day ang maumpisa ‘las 5:00 sa aga tubtob ‘las 7:00 sang aga, ‘las 4 sang hapon tubtob las 6 sang gab-i.
Suno kay Alcantara, ang mga apektado nga distribution company amo ang Capiz Electric Cooperative lakip na ang Dao, Mambusao, Timpas TR2 kag President Roxas Substations; Aklan Electric Cooperative lakip na ang Andagao, Altavas, Lezo kag Ibajay Substations kag Iloilo Electric Cooperative 3 lakip na ang Ajuy, Sara, Balasan & Estancia Substations.
Nagapasalig ang NGCP nga himuon ang tanan nga pamaagi agud mabalik gilayon ang supply sang kuryente sa gintalana nga oras.
