ROXAS CITY-Nagpangayo sang pasaylo ang pamunuan sang National Grid Corporations of the Phillippines ukon NGCP sa natabo nga brown-out sang tinalikdan nga adlaw Sabado.
Sa interview sang Bombo Radyo kay Ms. Michelle Visera Regional Corporate Communications and Public Affairs Officer sang NGCP gin-athag sini nga ang NGCP ang nagkaproblema kag indi ang Capiz Electric Cooperative ukon CAPELCO.
Suno kay Visera nga may yara sang natabo nga trip-off sa Dingle-Panitan 138 KV nga naga-suplay sang kuryente sa probinsiya sang nagapatigayon ang ahensya sang maintenance activity.
Natigayon man nga makay-o sang NGCP ang trip-off sa Dingle-Panitan 138 KV line apang nagkaproblema man sa linya sang Panitan Substation.
Gindugang pa ni Visera nga ang pagngilat ang gintunaan sang trip-off sa nasambit nga linya sang kuryente.
Gin-athag man sini nga wala nakapa-guwa sang abiso ang ahensiya bangod gulpi lamang ang natabo nga problema.
