kontra

Nakuha sang NLEX Road Warriors ang 84-81 nga kadaugan kontra Blackwater Bossing sa PBA Commissioner’s Cup matapos magpabugal sang clutch performance si Robert Bolick sa katapusan sang duwa.

Nanguna ang NLEX sa score nga 81-75 sa final minutes sang game, apang nagpalapit ang Blackwater matapos ang free throw ni Daniel Ochefu kag basket ni Sedrick Barefield nga nagbuhin sang lamang sa 81-79.

Sa crucial nga higayon, nakahimo si Bolick sang clutch three-point shot nga naghatag liwat sang komportable nga abanse sa Road Warriors. Bisan pa nagbalos ang Blackwater pinaagi sa jumper ni Ochefu, nakakuha pa sila sang final chance matapos ang turnover sang NLEX, pero napalampas ni Christian David ang tres nga mahimo kuntani magtabla sang duwa.

Nag-finish si Bolick nga may 24 puntos, pito ka assists, apat ka steals kag tatlo ka rebounds para mangin top scorer sang NLEX. Nagdugang man si import Cady Lalanne sang 22 puntos kag 16 rebounds, samtang si Sedrick Barefield nanguna sa Blackwater nga may 18 puntos.

Bangod sini, nakasugod ang NLEX sa maayong kampanya sa PBA Season 50 Commissioner’s Cup pinaagi sa isa ka dikit nga kadaugan.