Nagapreparar na ang North Korea nga magpadala pa sang mas madamo nga tropa sini sa Russia matapos maubos ang numero sini sa Ukraine kag Russia war.
Ini ang suno sa nangin pahayag sang South Korea, nagahanda man suno ang North Korea nga maghiwat sang mga test-fire sang ila intercontinental ballistic missisle tubtob sa mag-abot suno ini sa Estados Unidos kun sa diin nahibaluan sang pila ka mga eksperto nga malabo nga makahimo suno si North Korean leader Kim Jong Un sang mga tikang nga magapalala sang relasyon sini kay US President Donald Trump.
Apang nakikita man suno ni Kim Jong Un nga mas magapabaskog ang nuclear program sang North Korea kun magapabulig ini kay Russian President Vladimir Putin kaysa suno na nangin istoryahanay nila ni Trump sang 2018-2019 summit.
Matandaan nga isa ang North Korea sa naghatag sang dako nga suporta sa Russia kun sa diin nagpadala ini sang mga artillery kag iban pa nga conventional weapons, kalakip ang pagpadala sang mga north korean soldier nga aabot sa 12,000, kabaylo suno ini sang paghatag sang Russia sang mga makabag0o nga kagamitan nga posible maka-develop nuclear weapon sang North Korea.
Samtang, pahayag naman sang South Korea spy agency sang nakaligad nga semana, ginabulubanta nga yara sa 300 ka suldado nga North Korean ang napatay kag masobra 2,700 naman ang napilasan.
Taliwas sang una nga parte sang Enero, matapos kumpirmahon ni Ukraine President Volodymyr Zelenskyy nga yara na sa 4,000 ang numero sang mga napatay ukon napilasan nga North Korean soldier. Ang pagrekord naman sang Estados Unidos ang mas manubo, nga umanot lang sang 1,200 nga mga North Korean soldier ang napatay.
