Nagtaas na ang numero sang mga napatay samtang masobra naman sa 270 ka mga tawo ang nagapabilin nga missing matapos nagluntad ang daku nga sunog sa isa ka high-rise residential building sa Hong Kong sang Miyerkules, Nobyembre 26.
Suno sa lokal nga otoridad, 51 ka tawo ang napatay sa lugar sang sunog samtang apat naman ang nadulaan sang kabuhi sa ospital kag may isa man ka bombero nga napatay.
Base sa mga opisyal, pito sa walo ka tower blocks sa distrito sang Tai Po. Apisar gindeklarar nga under control ang apat ka towers, padayon ang pagtinguha nga mapalong ang iban pa nga buildings nga nagakasunog pa.
Una na nga ginpasaka sa level five ang sunog nga ginakabig nga “most serious level” sa Hong Kong.
Samtang, gin-aresto naman ang Tatlo ka mga construction company executives bangud sa “suspicion of manslaughter” kag gross negligence may kaangtanan sa nakit-an nga flammable materials, lakip na ang mesh kag plastic sheets sa mga bintana sang mga buildings, nga posible nangin kabangdanan sang madasig nga paglapta sang kalayo.
Padayon pa ang imbestigasyon sang mga otoridad sa ginhalinan sang sunog nga nagluntad sa isa ka housing complex nga ginapaidalom sa renovation.
Sa subong, ginatos ka mga residente ang gin-evacuate sa temporaryo nga mga puluy-an samtang ang mga emergency housing units ang ginpain para sa iban pa nga apektado sang sunog.
Sa subong, ginatos ka mga residente ang gin-evacuate sa temporaryo nga mga puluy-an samtang ang mga emergency housing units ang ginpain para sa iban pa nga apektado sang sunog.
