Naglab-ot na sa 36 ka tawo ang napatay sa sunog nga nagluntad sa sunod-sunod nga high-rise buildings sa Hong Kong.

Suno sa report, 300 pa ka mga indibidwal ang missing kag padayon pa nga ginapangita.

Nahibaluan nga ang sunog nagsugod sa Wang Fuk Court apartment complex mga alas 3 sang hapon, sa diin nagapuyo ang mga 5,000 ka mga pumuluyo.

Lakip naman sa mga napatay amo ang 37-anyos nga bombero, kun sa diin masobra 700 ka mga bombero nga nagbulig sa pagpalong sang kalayo.

Gindala naman sa ospital ang 29 ka mga indibidwal lakip ang ian pa nga yara a kritikal nga kondisyonbangud sa naangkon nga mga paso.

Gin-evacuate naman sang mga otoridad ang mga pumuluyo sang Wang Fuk Court sa Tai Po sa diin nagluntad ang nasambit ngasunog.

Samtang, wala pa sang impormasyon kun may yara sang overseas Filipino workers nga apektado sa nasambit nga sunog.