Magasugod na subong nga adlaw, Mayo 24 ang ika-65 nga Palarong Pambansa sa Ferdinand E. Marcos Memorial Stadium (FEMMS), Laoag City, Ilocos Norte. Isa sa mga nagapanguna sa pagbukas amo ang Olympic gold medalist nga si Hidilyn Diaz.
15,675 ka mga delegado kag opisyales gikan sa 17 ka mga rehiyon, National Academy of Sports (NAS), Philippine Schools Overseas (PSO), kag National Technical Working Group ang magatipon para sa isa ka semana nga selebrasyon.
Kaangot sini, ginalauman man nga pormal na nga sugdan ni Presidente Ferdinand Marcos Jr ang pagbukas sang Hampang. Iya pagahatagan sang importansya ang importante nga papel sang mga pamatan-on kag isports sa pagporma sang pungsod.
Samtang, ang Olympic champion nga si Hidilyn Diaz ang magapanguna sa Oath sang mga coaches kag technical officials
Ang seremonya sa pagbukas magasugod sa alas 5:00 sang aga upod ang parada sang mga atleta.
Ang magapanguna sa Athlete’s Oath amo si Gerick Jhon Flores, isa ka lamharon nga atleta sang baseball kag record-holder sa ika-11 nga BFA U12 Asian Baseball Championship. Pag-abot sa pagsindi sang sulo, ang nagapanguna nga mga atleta amo sanday Jemmuelle James Espiritu (Archery), Mark Anthony Domingo (Athletics), Jesson Cid (Decathlon), Roger Tapia (Para-athletics), kag Eric Ang (Trap Shooting).
