ROXAS CITY-Nagreklamo sa Bombo Radyo ang isa ka online-seller matapos nga ginaalegar gin “scam” ukon natuntohan sang kasubong man nga onliner seller sa probinsiya sang Capiz.
Ginkilala ang tagreklamo nga si Audrey Rivera residente sang banwa sang Pilar.
Sa interview sang Bombo Radyo sa kay Rivera, ginreklamo sini si Mila Jane Balayon Besquillo matapos nga wala pa nahatag sang amo nga persona ang mga gin-order sini nga mga cellphone.
Sa panaysayon ni Rivera ginpahayag sini nga sang tuig 2018 pa ang iya pinakaulihe transaksyon kay Pamela Jane kun sa diin nag-order ini sang cellphone pinaagi sa ila ginatawag nga “paluwagan”.
Apang ginkadismaya sini nga tubtob subong wala pa sa guihapon nag-abot ang mga gin-order sini nga mga cellphone.
Nagdugang pa ang pagduda sini nga “scammer” ang nasambit nga persona matapos nga natukiban sini nga madamo man sang mga kustomer sini ang nagareklamo batuk sa iya.
Gindugang pa ni Rivera nga nabudlayan na ini makig-angut kay Pamela Jane bangud indi na macontact ang cellphone sini kag ginblock na ini sang nasambit nga persona sa Facebook.
Samtang nakalab-ut na sa lebel sang Barangay ang natabo nga pagpatunto ni Pamela Jane kun sa diin nagpromisa ini nga bayaran ang iya mga kautangan.
Ginkompirmar man ni Rivera nga naka amat-amat na bayad sa iya si Pamela apang tubtob subong wala pa gid sini bayaran ang kabug-osan nga kantidad.
