Nangin malinong kag matawhay ang opening salvo sang Capiztahan 2026.
Sa interview sang Bombo Radyo kay Police Colonel Albert Tapulao, Provincial Director sang Capiz Police Provincial Office, iya ginpahayag bangud nga sa hugot nga pagbantay sang mga otoridad, nangin secured gid ang palibot.
Suno kay Tapulao, may masobra 600 ka mga kapulisan ang ginpang-deploy sa pagbantay sang amo nga kahiwatan sa probinsya.
Pahayag niya, magluwas sa mga kapulisan, upod man nila ang sa pagbantay ang mga katapo sang Philippine Coast Guard, Bureau of Fire Protection kag iban pa nga mga uniformed personnel.
Nagpahunumdom naman ang natungdan sa publiko nga maghalong gid sa tion nga nagapakigbahin sa amo nga selebrasyon agud nga makalikaw sa ano man nga sahi sang insidente.
