ROXAS CITY – Nagahinyu ang mga operator sang quarry nga tugutan na sila nga magbalik sa operasyon bangud tuman na nga apektado ang ila pangabuy-anan.
Sa interview sang Bombo Radyo kay Hyacinth Distajo, quarry operator sa Sitio Pangpang, Barangay Ilaya, Ponetvedra suno diri, palaligban sa ila ang pagsuspendi sang operasyon bangud kumpleto man ang ila rekisitos kag may yara man sila sang permit to operate.
Suno diri, pagkabaton nila sang notice gikan sa gobyerno probinsyal pagka-aga nadulaan na sila sang pangabuy-anan.
Pahayag ni Distajo indi lang sila ang apektado pati man ang mga pamilya sang ila trabahador nga nakadepende lamang sa sweldo gikan sa pagtrabaho sa quarry ang ila pangabuhian.
Sa karon, ginatinguhaan nila kaupod ang mga iban pa nga mga operators sa mga kabanwahan nga makighinun-anon sa gobernador agud mahibaluan ang ila sitwasyon kag masabat ang ila palamangkutanon.
