Tatlo ka Philippine Air Force (PAF) Blackhawk helicopters ang naglupad kag naka arrowhead formation kagina sang aga para maghiwat sang Rapid Damage Assessment and Needs Analysis (RDANA) sa bahin sang Polanqui sa Albay kag Naga sa Camarines Sur.
Tinutuyo sang misyon para matumod ang kalaparon sang kahalitan nga ginbilin sang Bagyong Kristine sa rehiyon kag matumod kun ano nga mga lugar ang tuman nga naapektuhan agud ini ang mangin prayoridad sa gilayon nga pagpanagtag sang bulig.
Ang nasambit nga tikang ang kabahin sang disaster relief efforts sa rehiyon.
Ang tatlo ka blackhawk helicopters ang nagikan sa 205th Tactical Wing sang Philippine Air Force.
Sa pihak sini, ginbisita subong nga adlaw ni Presidente Ferdinand Marcos Jr ang Bicol region agud personal nga ginhibalo kag ginkamusta ang kahimtangan sang mga pumuluyo nga biktima sang kalamidad.
Nagpanghatag sang bulig ang Presidente kalakip na ang pinansiyal nga bulig sa mga residente sa lugar.
