Pag-implementar sang DOLE Tupad sa Brgy. Dayao wala pa maplastar sang mga opisyal

ROXAS CITY – Ginahulat nalang ang mga dokumento nga mapirmahan ni Punong Barangay Wennie Batuampo sang Brgy. Dayao antes paman makalab-ot sa mga Barangay Kagawad.

Sa interview sang Bombo Radyo kay Kagawad Emily Ariza sang Dayao, wala pa sa ila nakaabot ang mga dokumento nga kinahanglan bag-o maimplementar ang Tupad program sang Department of Labor ang Employment (DOLE).

Suno pa diri nga yara sa 100 ka mga benepisyaryo nagikan sa amo nga barangay ang magatrabaho sang napulo ka adlaw apang wala pa mahibaluan kun san-o ini mapatuman.

Matandaan nga nagreklamo ang mga pumuluyo sang Dayao matapos nga ginapahayag ginbalibaran ni Kapitan Wennie Batuampo ang amo nga programa kay ini ang ginahikot sang grupo ni Congressman Howard Guinto.