Pag-uli sang isa ka utility personnel sang iya nakit-an nga P1 Million sa NAIA, viral sa social media

ROXAS CITY – Viral sa karon sa social media kag gindayaw sang mga netizens ang maayo nga ginhimo sang isa ka utility ukon tagamentinar sang katinlo sa NAIA Terminal 3 kun sa diin gin-uli sini ang 202 ka bilog nga dollar bill ukon kabaylo sang mas ukon menos P1 million nga iya nakit-an nga nakabutang sa isa ka pares sang medyas subong nga adlaw sang Huwebes, Hunyo 20, 2024.

Ginapahayag nga nasilhig ni Rosalinda Celero halin sa idalom sang mga pulungkuan sang terminal ang medyas apang natalupangdan niya lamang ini sang ara na ini mismo sa iya nga dustpan.

Gilayon naman nga gindala ni Celero sa lost and found sang terminal ang medyas nga iya nakit-an nga may unod nga kwarta.

Saludo kami sa imo Rosalinda!