Nagabaskog ang pagpati ni Senator Risa Hontiveros nga base sa mga kabutigan ang mga ginpresenta ni Li Duan Wang ukon Mark Ong sa Kongreso matapos aprubahan ang Filipino citizenship sini.
Kaangut ini sa pagbalibad sang Federation of Filipino-Chinese Chambers of Commerce and Industry, Inc. (FFCCCII) nga aktibo nga miyembro sang organisasyon si Wang kabaliktaran sa nangin una nga pagdepensa sang pila ka mga senador.
Suno kay Hontiveros, nagpasalamat siya sa grupo sang Filipino-Chinese business community sa pagpaguha sang kamatuuran nga indi nila miyembro si Wang.
Ginsiling man sang mamalidha kung kasubong sini nga mga impormasyon ang nakaabot sa mga senador, nagaguha nga base sa mga kabutigan kag sikreto ang pagtan-ay sang Filipino citizenship kay Wang.
Dugang pa sini nga ang “misrepresentation” ukon pagbinutig, bastante na nga ground agud bawion ang naturalization sang Chinese national kag indi siya karapat-dapat nga pagatawgon nga isa ka Pilipino.
