Gintipon ni DepEd Sec. Sonny Angara ang National Management Committee (ManComm) agud talakayon ang mga tikang agud sabtan ang mga adlaw nga wala sang klase.
Ini bangud sa epekto sang mga suspendido nga klase tuga sang mga nag-agi nga kalamidad.
Sa subong nga school year, ang Rehiyon sang Cordillera (CAR) ang nakabalhag na sang 35 kanselasyon sang klase.
Ini ang pinakamadamo nga nadulaaan sang adlaw sang klase nga tuga sang kalamidad kag natural nga sakuna.
Ang iban pa nga rehiyon nga sobra man nga naapektuhan amo ang Cagayan Valley, Ilocos, Calabarzon, kag Central Luzon nga nakabatyag man sang indi magnubo sa 29 nga pagkansela sang klase.
Suno sa balita, may 239 nga buluthuan sa pungsod ang ginakabig nga may “very high risk” sa dugang nga pagkadula sang tyansa sang pagkatuon bangud sa masami nga natural calamities kag matindi nga kahalitan nga nabatyagan nga nakaapekto sa masobra 377,000 nga estudyante.
Maluwas diri, halos 5,000 ang buluthuan nga naka-kategorya bilang may mataas nga risgo.
Isa sa mga tikang nga ginapatuman sang ahensya amo ang Dynamic Learning Program (DLP) agud masiguro ang padayon nga pagtuon ilabi na sa mga apektado nga rehiyon.
Posible nga ipatuman ang programa sa mga buluthuan bilang mga make-up class kag mga sesyon agud makabawi.
Ang inisyatibo ang nagatampok sang parallel classes kag catch-up sessions sa mga temporary learning spaces.
