Nagasalig ang isa ka economic analyst nga dako ang tsansa nga maghinay ang inflation ukon paghulag sang presyo sang mga balaklon sa Pilipinas.
Suno kay Prof. Astro del Castillo sang Capital Market Institute of the Philippines, posible ini kun tutukan sang gobyerno ang mga programa nga magasuporta sa sektor sang agrikultura kag enerhiya sa pungsod.
Ginhimo ni Castillo ang pahayag matapos ginreport sang Philippine Statistics Authority nga may yara sang gamay nga pagdasig sa inflation rate sang Hunyo nga naglab-ot sa 1.4 porsyento.
Tion na suno sa iya nga ipatuman ang Land Use Act nga magaamlig sa agricultural kag forestry areas sang Pilipinas.
Ginhatagan man punto sang eksperto nga kinahanglan nga magtrabaho sang doble nga katungdanan ang mga mamalidha sa paghimo sang mga hagna nga magapabakod sang sektor sang agrikultura kag enerhiya.
Ini man suno sa iya ang direkta nga naga-apekto sa presyo sang nagapanguna nga balaklon sa Pilipinas.
