Ginkumpirma sang Malacañang nga maga-angkon sang paghinun-anon nanday Presidente Ferdinand Marcos Jr, US President Joe Biden kag Japanese Prime Minister Shigeru Ishiba sa adlaw sang domingo.
Suno sa Department of Foreign Affairs (DFA) nga ang trilateral phone call ang nalakip sa schedule ni Biden samtang ini ang yara sa Roma.
Ginalauman nga paga-istoryahan sang tatlo ka lider ang mga panghitabo sa Trilateral Cooperation sang Japan-US kag Pilipinas.
Ang nasambit nga trilateral Cooperation ang ginhimo sa makasaysayan nga pagsinapol sang tatlo ka mga lider sang Abril 11, 2024 sa Washington D.C.
Dugang pa ni DFA Spokesperson Teresita Daza nga lauman nga paga-istoryhan sang tatlo ka lider ang pang-ekonomiya kasubong man ang mga nagakatabo nga regional kag global development.
Samtang, una diri nga ginkuntra sang China ang trilateral cooperation sang tatlo ka pungsod kag ginganyat ang mga ini nga untaton ang pagka-bloc politics.
