ROXAS CITY, CAPIZ- Ginahulat nalang ang desisyon sang Philippine Heritage Comission agud nga maumpisahan na sang Department of Public Works and Highways (DPWH) ang pagkay-o sang Capiz Bridge sa syudad sang Roxas.
Sa interview sang Bombo Radyo kay Roxas City Councilor Fernando Louis Viterbo, iya ginpahayag nga sa kun ang imprastruktura ang nagalab-ot na sa masobra 100 years old, kinahanglan nga mag agi gid ini sa amo nga komisyon.
Suno kay Viterbo, ang Capiz Bridge ang naga-edad na sang masobra 100 years old sa diin ginadumilian na ang pag-agi sang mga dalagko kag mabug-at nga mga salakyan.
Pahayag niya, may yara sang mga personnel nga naga-monitor sa taytay agud masiguro nga wala ginaagyan sang truck sa diin maproteksyonan ini kag indi maguba antes paman nga kaayuhon.
Nagpanawagan ang konsehal sa mga motorista nga kun ginadumilian nga maglabay sa taytay ang ila ginamaneho nga salakyan,magpangita lang anay sang iban nga ruta para sa safety sang kadam-an.
Interviewed by Bombo Sunnie Mae Constantino Batencila
