ROXAS CITY – Ginkadtuan sang pamilya Dumangon ang lugar nga ginpadulongan sang biktima sang tion nga may rambol nga gakatabo, kag sa ila pagtsekyar subong nga aga sang Lunes, Enero 24, ginkakibot nila ang bangkay sang isa kalalaki nga nagakulob kag nakilala sang Iloy nga ini ang iya ginapangita nga bata.
Suno pa sa Iloy nga makit-an sa bangkay sang iya bata ang preska nga dugo sa iya baba kag may mga lagob sa lawas.
Dugang pa sini nga amu man sa gihapon ang panapton kag pantalon, subong man ang belt bag nga suksok sang biktima sang naglaong ini nga magapadulong sa amu nga balay sang iya ihado.
Indi pa klaro kun ano ang motibo sang suspek ukon mga suspek sa pagpatay sa iya bata, bangud halos kilalahay man ang mga tawo sa ila barangay kag wala sang pangayaw nga nagpadulong sa amu nga pag-inom-inom.
In di man makapati sa karon ang pamilya nga matabo ini sa ila bata bangud wala man ini sang nabalitaan nga kontra sa ila barangay.
Sa karon, igapaidalom sa eksaminasyon ang bangkay sang biktima agud matumod kun ano ang kinamatay sini, samtang nagapadayon ang imbestigasyon sang mga kapulisan sa pagtumod sang may kahimuan sa amu nga krimen.
