Ginmanduan ni President Ferdinand R. Marcos Jr. ang Department of Social Welfare and Development (DSWD) nga pangunahan ang pagresponde sa mga kinahanglanon sang mga pasahero nga stranded sa mga pantalan, bangud sa Bagyo Kristine.
Sa situation briefing sa NDRRMC, gin-report sa presidente nga yara sa 5, 329 ang mga pasahero nga stranded sa nagkalain-lain nga pantalan sa pungsod, samtang yara sa 994 nga salakyan naman ang wala makasakay sa RORO bangud sa malain nga tyempo.
Nagpasalamat ang presidente sa pamunuan sang Philippine Ports Authority (PPA) sa inisyatibo nga maghatag sang lugaw sa mga pasahero nga nagikan sa kaugalingon nila nga bulsa ang gastos.
Subong man, dapat suno diri nga ang gobyerno ang nagapanguna sa pagresponde sa kinahanglanon sang mga stranded, bangud sa malain nga panahon.
Kaangut sini, ginpahayag ni DSWD Secretary Rex Gatchalian nga una na sila nga nagpanaog sa mga pantalan agud alalayan ang pila ka stranded passengers.
Samtang may yara naman sila nga koordinasyon sa DOST, para sa nagahilapit nga pagpaguwa sang ready to eat box, para sa mga magakinahanglan.
