Ginbasura ni House Deputy Majority Leader kag Iloilo Rep. Janette Garin ang pagkareklamador nga istilo ni Vice President Sara Duterte sang ginsiling sini nga may sala sa pag-uyat sang pondo sang gobyerno, partikular sadtong siya pa ang tiglikom sang Department of Education (DepEd).
Suno kay Duterte isa sa mga rason kun ngaa nagbiya ini bilang tiglikom sang DepEd amo ang sala suno diri nga paggamit sa pondo sang ahensya nga gintuyo sini nga insaktuhon apang wala siya sang nakuha nga suporta kag wala sang nangin dako nga pagbagoo.
Ginpahayag ni Garin ang importansya nga mag-angkon sang salabton sa paggamit sang pondo sang DepEd.
Sa ginpatigayon nga oversight meeting sa pondo sang DepEd, ginpahayag ni Garin nga nagaguwa nga sa panahon ni Duterte sa DepEd, nakatambak lamang ang mga ginbakal sini nga textbook, school furniture, learning material, IT hardware nga nagabalor sang bilniyon nga piso imbes nga napanginpuslan na kun tani sa mga pampubliko nga buluthuan.
