Nagdangat na sa apat ka tawo ang napatay sa pagpangluthang kag pagsunog sa Church of Jesus Christ of Latter-day Saints sa Grand Blanc Township, Michigan.
Walo pa ka mga indibidwal ang napilasan sa krimen nga gintawag sang Federal Bureau of Investigation (FBI) nga “act of targeted violence.”
Ang suspek sa krimen amo si Thomans Jacob Sanford, 40-anyos, gikan sa kaiping nga syudad sang Burton, nga napatay man matapos nga nagbato sa pagbayluhanay sang lupok sa mga awtoridad sa parkingan sang simbahan.
Apang, wala pa sang ideya ang mga otoridad kun ano ang motibo sang gunman sa krimen.
Nahibaluan nga ginbunggo sang gunman ang iya salakyan sa entrance sang simbahan samtang nagapadayon ang church service, pagkatapos nagpalupok kag hungod nga ginsunog ang simbahan gamit ang gasolina.
