Nagapati si Las Piñas City Representative Mark Anthony Santos nga isa ka importante nga tikang ang pagpasar sang Anti-Political Dynasty Bill agud mabalik ang pagsalig sang publiko sa Kongreso.
Ang pahayag ginhimo ni Santos kadungan sang nagadaku nga panawagan nga dumilian ang mga political dynasties sa pungsod.
Nagasalig ang mamalidha nga madamo pa nga mga kongresista ang magasuporta sa amo nga proposal, ilabi na nga nagsugod na sa pagpakita sang interes ang pamunuan sang Kamara sa nasambit nga isyu.
Bilang pamatuod sa suporta sang Kamara, gintumod ni Santos ang nauna nga ginpasaka nga bersyon sang Anti-Political Dynasty Bill ni House Speaker Faustino Dy III kag House Majority Leader Sandro Marcos.
Matandaan nga sang Hulyo, kasunod sang pagbukas sang 20th congress, nag-file man sang kasubong nga hagna si Rep. Santos.
Nagapati ang mamalidha nga mangin si Presidente Ferdinand Marcos Jr. ang magahatag sang suporta agud sa katapusan mapasar ang nasambit nga hagna sa labing madali nga panahon.
