Dismayado ang Brazil sa pagtrato sang Estados Unidos sa mga ilegal immigrants sini partikular ang mga Brazilian nga ginpadeport pabalik sang Brazil kalakip na ang mga bata, nga ginapahayag nga naka-posas. Ginpuna sang mga awtoridad ang ginahimo nga pagtrato sa mga ini kag gintawag nga paglapas sa mga kinamatarong sang ila mga pumuluyo.
Ang insidente ang natabo matapos nag-atubang ang Latin America sa panibag-o nga banta sa pagbalik ni US President Donald Trump sa White House, nga may hugot nga polisiya angut sa lapnagon nga deportasyon para sa mga illegal immigrants sa US.
Hugot naman nga gintutulan ni Brazil Justice Minister Ricardo Lewandowski kag Brazil President Luiz Inácio Lula da Silva, ang paglapas sa mga nagapanguna nga kinamatarong sang mga Brazilian.
Apang di suno ang mga ginpadeport suno sa US ang ‘wala sang kaangtanan sa bag-o nga executive order ni Trump kundi bunga lang suno ini sang isa ka bilateral nga kasunduan sang US kag Brazil sang 2017.
Ang flight ang nakatalana kuntani nga magpadulong sa Belo Horizonte sa Brazil apang napilitan nga magaagi sa Manaus bangud sa nabatyagan nga technical isssues.
Sa balita naman sang Brazil federal police, may yara sang 88 Brazilian nga sakay sang nasambit nga eroplano, apang sa balita naman sang government of Amazonas state, kun sa diin masiplatan ang Manaus, nga may yara suno nga 79 ka pasahero ang eroplano kun sa diin 62 diri ang mga kalalakinhan samtang 11 naman diri ang puros kababainhan, kag 6 ka bata.
Bilang sabat, ginmandu ni Brazil President Lula ang pagpadala sang Brazilian Air Force agud masiguro nga makaabot na nga safe kag may dignidad ang mga na deport nga Brazilian sa ila ulihi nga destinasyon.
Ang pag-abot sang flight ang natabo kadungan sang hugot nga tikang ni Trump batuk sa mga ilegal immigration, nga ginakalakipan pa sang pagpadala sang dugang nga tropa sini sa southern border sang US.
Kaangut pa sini, ang pagpadala sang mga military aircraft para sa mga repatriation flights.
