Epektibo na subong nga adlaw, october 1, 2024 ang paggamit sang 3% nga pagtaas sang biodiesel mix nagikan sa anay mandatory 2% blend.
Ang biodiesel blend ang pagtaas sa 3% nga halo sang coconut methyl esther sa diesel.
Suno kay Energy Usec Alessandro Sales nga ginpaguha ang mandu nga ini sining nakaligad nga bulan sang Mayo rason nga nahatagan na suno sang bastante nga ligwa ang mga kumpanya sang langis nga maka-adjust kag mahanda ang ila nga produkto.
Ang tikang nga ini ang nagalaum nga makasunod ang pungsod sa biofuels law, mabuligan ang mga mangunguma sang lubi nga nagdako ang kita kag maibanan ang greenhouse gas emission.
Sa idalum sang layi, tuig-tuig magasaka ang biodiesel mix, ukon magasaka sa 4% pag-abot sang 2025 kag 5% sa 2026.
Ginpahayag ni Sales, ginhimo kada tuig ang transition para indi naman mahinalian ang mga naga-proseso sa biorefineries kag makadungan sa demand.
