Pagtaas sa presyo sang mga produktong petrolyo, mabatyagan sa masunod nga semana

Ginapahanda na sang Department of Energy ang mga motorista nga maka-eksperyensya sa pagtaas sang presyo sa mga produktong petrolyo sa masunod nga semana.

Kasunod ini sa padayon nga tensiyon nga nahitabo sa tunga sang Israel kag Lebanon nga nakaapekto sa presyo sang krudo.

Ginpahayag ni Department of Energy Asst. Director Rodela Romero nga ang nasambit nga giyera ang rason nga may paghulag sa presyo sang krudo nagikan sa world market.

Lauman naman ang pagtaas sa presyo sang gasolina sa masunod nga semana, samtang ang diesel ang posible magapabilin ang presyo.

Mahibaluan  pa sa adlaw sang Lunes kun pila ang presyo sang paghulag sa mga produktong petrolyo nga masami ginapatuman kada adlaw sang martes.