ROXAS CITY – Ekspektaron ang pagtaas sang lebel sang tubig kun magapadayon ang pag-ulan-ulan sa probinsya sang Capiz.
Ini ang ginpahayag ni Mrs. Judy Grace Pelaez, pinuno sang Provincial Disaster Risk Reduction and Management Office (PDRRMO) sang mainterview sang Bombo Radyo.
Suno diri, ba-se sa monitoring sang nagkalain-lain nga Municipal DRRMO, na-ekperyensiyahan sang mga kabanwahanan ang magal-umon nga panahon kag may yara sang panalagsahon nga pag-ulan kun sa din nagtaas ang mga lebel sang tubig sa pila ka mga kasubaan.
Padayun ang pagmonitor sa water level sang mga kasubaan kun sa din narekord nga may yara sang pagtaas sang tubig ilabi na sa banwa sang Mambusao nga 6.27m kag Sigma nga may 5.15m, tuga sang pag-ulan sumugod kahapon nga adlaw.
Nabalhag sa monitoring nga ang dalanon sa Mait Bridge sang Dumalag kag Fernandez rice field sa Maayon ang ginbaha apang passable na sa tanan nga sahi sang salakyan.
Nagapahanumdom man ang opisyal nga mangin alerto ang tanan kag indi mag-duha-duha nga mag-evacuate kun magtaas ang lebel sang tubig bangud sa pag-ulan, ilabi na may yara pa sang ginabantayan nga panibag-o nga Low Pressure Area (LPA).
