Pagtuon sa pagpanubo sa presyo sang bugas kinahanglan hatagan sang pagtamod sa pihak nga pagkakas sang mga variety label sa bugas

ROXAS CITY – Nagpakigbahin sang iya reaksyon ang Presidente sang Rice Retailer Association sang Teodoro Arcenas Trade Center (TATC) nga si Mr. Edilberto Cambe, may kaangtanan sa plano nga pagkakas sang Department of Agriculture sa mga ginabutang nga label sa bugas sa merkado.

Matandaan nga ginplano sang ahensya nga untaton ang pagbutang sang mga label sa ginabaligya nga bugas sa merkado kaangay na lamang sang “premium” kag “special”.

Ini bangud mahibaluan nga mas mataas ang presyo sang imported rice sa standard price.

Suno kay Cambe sa baylo kuntani nga pagpangkakas sang label una nga hatagan sang pagtamod sang ahensya kung paano mapanubo ang presyo sang bugas sa merkado.