Ginkumpirmar ni Pakistani Prime Minister Shehbaz Sharif nga gintiro nila ang mga jet sang India bilang balos sa mga pag-atake sa kahawaan gikan sa sina nga pungsod.
Suno sa Prime Minister, ini ang sabat sang ila bahin batok sa pag-atake sang mga Indian nga nagpatay sang 31 sang ila mga pumuluyo kag nagpilas sang 57 ka iban pa nga mga indibidwal bangud sang mga pag-atake sa kahawaan sa Pakistan kag Pakistan-administered Kashmir kag naglunsar sang pagpalupok sa Line of Control.
Samtang, wala pa makumpirmar sang Indian side ang claim sang Pakistan.
Suno sa Indian Army, naglab-ot sa 15 ka sibilyan ang napatay sa pag-atake sang Pakistan sa ila de facto border.
Ginpaathag sang India nga ang overnight missile strikes sang Miyerkules bilang balos sa makamamatay nga pag-atake sang mga militante sa mga turista sang Indian Nationals sa Pahalgam sang nagligad nga bulan.
Una may yara sang mga dekada nga insurhensya sa ginadumalahan sang India nga Kashmir, nga nagkuha sang linibo ka kabuhi nga nagapadayon sa sulod sang mga dekada, sa diin ang India kag Pakistan pareho nga nagaangkon sang Kashmir.
