ROXAS CITY – Nagpahanumdum ang mga miyembro sang Brotherhood of Capiz Riders sa mga motorista nga nagtambong sa ila aktibidad agud malikawan nga mabiktima sang motornapping.
Ginpatigayon ang nasambit nga aktibidad sa Roxas City public plaza kag ginpangunahan sang Brotherhood of Capiz Riders Founder Ruselle Monton Ban kag gintambongan sang mga miyembro, pila ka mga motorista kalakip ni Police Colonel Ricardo Jomuad Jr. ang hepe sang Roxas City Police Station.
Naghatag man sang pila ka tips ang grupo sa mga nagtambong agud mahibaluan kun isa ka carnap vehicle ang motorsiklo.
Ginpahanumdum man ang mga motorista nga siguraduhon nga naka-lock ang motorsiklo antes bayaan nga naka-parked ukon maggamit sang kadena bilang lock ukon ihigot ini sa kahoy agud indi ma-motornap.
