Ginpabutyag sang pambato sang Pilipinas nga si Rey John Sabado ang tuman nga bugal kag kadungganan matapos makuha ang titulo nga Mister Global Asian 2026 nga ginhiwat sa Kuala Lumpur, Malaysia.
Magluwas sa titulo, nakakuha man si Sabado sang pila ka special awards kaangay sang Best in National Costume, Best in Formal Wear, kag Best in Beach Wear.
Ang iya “humble beginnings” nagsugod sang high school pa lang ini sa bahin sang Nueva Ecija.
Ginpakigbahin man ni Sabado nga magluwas sa pagsuporta sa iya pamilya, inspired man siya sa pagbulig kag pagpakigbahin sa mga charity works sa mga orphanage sa tagsa ka pagpasakop sa kompetisyon.
Nagpasalamat man ini sa tanan nga nagsuporta sa iya pageant journey.
Matapos ang iya kadalag-an, plano ni Sabado nga magtutok sa iya mga business ventures kag pagsuporta sa male pageantry sa pungsod.
