Nagbiyahe na padulong sa Thailand ang pambato sang Pilipinas nga si Ahtisa kahapon nga Domingo,agud magrepresentar sa Miss Universe 2025 pageant.
Sa iya send-off event sa Ninoy Aquino International Airport, gintamyaw si Ahtisa sang madamo nga mga supporters.
Nagasuksok ini sang puti nga two-piece Filipiniana suit, ang iya Miss Universe Philippines sash, kag naga-uyat sang gamay nga bandera sang Pilipinas.
Sa social media post sang Miss Universe Philippines Organization, ila ginpahayag nga puno sang pagpalangga kag bugal ang airport samtang naghalin si Ahtisa agud dal-on ang tagipusuon sang tagsa ka Pilipino sa international stage.
Matandaan nga ginkoronahan si Ahtisa bilang Miss Universe Philippines 2025 sang nagligad nga Mayo.
Target subong sang beauty queen nga makuha ang ikalima nga korona sang Miss Universe.
Samtang, ang Miss Universe 2025 ang natalana nga hiwaton sa Thailand sa Nobyembre 21.
