Ginalantaw sang isa ka senior Ukrainian parliamentarian nga ginapaboran ni US President Donald Trump si Russian President Vladimir Putin.
Ini kasunod sang pagbaylo sang panindugan ni Trump sa kun paano tapuson ang away sa tunga sang Ukraine kag Russia sa diin sa baylo nga iduso ang ceasefire sa summit sa Alaska, nagsiling ini nga ang best solution amo ang peace agreement.
Suno kay Oleksandr Merezhko, pinuno sang foreign affairs committee sang Ukrainian parliament, delikado ang ideya ni Putin sa peace agreement nga luyag ni Trump kaangay na lang sang pag-block sang Ukraine nga mag-intra sa North Atlantic Treaty Organization, pag-implementar sang Russian language kag impluwensya sang simbahan kag pagpwersa sang ginatawag sini nga “de-Nazification” kag “demilitarisation.”
Nagapati ang Ukrainian officials nga ang pag-istoryahanay sang duha ka mga mataas nga opisyal nga wala una nga mahisugtan ang ceasefire ang magresulta sa pagbutang sa risgo sang ila nga pungsod.
