ROXAS CITY, CAPIZ- Ginkaalarma sang hepe sang Roxas City Police Station ang pag-gamit sang iya pangalan sa pagpanunto sa syudad sang Roxas.
Sa interview sang Bombo Radyo kay Police Lieutenant Colonel Ricardo Jomuad Jr., ang nasambit nga hepe, iya ginpahayag nga namonitor sang kapulisan nga ginagamit ang iya nga pangalan sa pagpanunto.
Dugang pa sini nga may indibidwal nga nagapakuno-kuno nga sya kag nagapangayo sang mga contact numbers sang pila ka mga commercial establishments, partikular na ang mga hardware.
Nahibaluan nga nagpanawag ang amo nga persona kag nagpakilala nga si Jomuad sa City Engineer’s Office apang nagduda ang nasambit nga talatapan bangud naga-tagalog ini sa paghambal nga malaka naman ini mabatian kay Jomuad.
Samtang, bangud sa natabo, ginpaalerto sa karon sang hepe ang publiko nga indi pag-eentertain ang tawag halin sa numero nga 0967-068-5022 kag gilayon nga ipalab-ot sa ila talatapan pananglitan nga magtawag.
Interviewed by Bombo Francis Biñas
