ROXAS CITY – Dismayado ang isa ka senior citizen nga driver sang truck matapos nga gintaban sang wala matumod nga kawatan ang iya nga sling bag, sa Legazpi Ilaya, Barangay III, Roxas City, kaina snag kaaganhon.
Sandig sa ginpabalhag nga report ni Jaime Nyuye, 61-anyos, nga residente sang Dumaguete, suno diri nga nagpadulong gid lamang ini sa Roxas City sa iya hinablos, kag sang magabalik na ini sa ila lugar, naghinyo ang iya hinablos nga i-ulayhon sa Iloilo.
Bangud sini, nagpanghakot ang mga ini sang kagamitan kag ginakarga sa truck sang biktima.
Apang, nagsalig ini nga ibilin sa sulod sang truck ang iya sling bag, sang hinali nalang nga may naglabay suno diri nga motorsiklo kag ginsulod na ang iya salakyan kag gintaban ang amu nga sling bag.
Nahibaluan nga nagaunod gid lamang sang P250 nga kuwarta ang sling bag, apang ginkasubo sini bangud atu didto ang mga importante sini nga dokumento, bag-o bakal nga cellphone nagabalor sa P12,000 kag iya driver’s license.
Ginlagas pa ang motorsiklo nga sakay ang mga kawatan, apang wla na ini maabtan.
