Dululungan nga nagpatuman kaina sang takna alas-6:00 sang aga ang mga kumpanya sang gatong sang taas presyo sa ila nga mga produkto.
May pagtaas nga P0.90 sa kada litro ang diesel samtang ang gasoline naman ang nagtaas sang P0.45 sa kada litro.
Samtang ang Kerosene naman ang nagtaas sang P0.30 sa kada litro.
Suno sa Department of Energy nga ang nagalala nga tensiyon sa Middle East ang rason sang panibag-o nga taas presyo kag ang pagbaskog sang demand sang gatong sa China.
Kadungan man sini nga nagpatuman sang panibag-o nga taas ang kada tangke sang Liquefied Petroleum Gas (LPG).
Suno sa kumpanya sang Petron nga P0.80 ang gintaas sang mga ini sa kada kilogram ukon kabaylo sang dugang nga P8.80 sa kada 11 kilograms sang household LPG tank.
Samtang mas mataas ang Solane nga may P0.82 centavos sa kada kilogram ukon kabaylo sang P9.02 sa kada 11-kilogram nga tangke sang LPG.
Ang ginatudlo nga rason sang mga negosyante sang LPG ang pagtaas sang demand subong nga tyempo sang tiglalamig.
